დაავადებათა კონტროლის ეროვნული ცენტრის დირექტორის, ამირან გამყრელიძის განცხადებით, თუ ეპიდსიტუაცია ასეთი სტაბილური იქნება, როგორც ახლაა, მაშინ კომენდანტის საათის მოხსნის საკითხს შემდეგ ეტაპზე განიხილავენ.

"დღეს შემსუბუქების კიდევ ერთი ეტაპი დაიწყო, უმაღლესში სწავლა აღდგა, საცურაო აუზები გაიხსნა, სპორტული ღონისძიებები. ამიტომ, ყოველი შემსუბუქების შემდეგ, 10 დღე, 2 კვირას უნდა დავაკვირდეთ სიტუაციას და შემდეგ ეტაპობრივად სხვა.

დარწმუნებული ვარ, რასაც მეკითხებით [კომენდანტის საათი], ესეც შემსუბუქდება, ოღონდ ეპიდსიტუაციის სტაბილიზაციის ფონზე. რა თქმა უნდა, ყოველი შემსუბუქების შემდეგ, ჩვენ ვაკვირდებით სიტუაციას და თუ იგი ასეთი სტაბილური იქნა, შემდგომ ეტაპზე ეს საკითხიც იქნება განხილული", — თქვა მან.

საკოორდინაციო საბჭოს გადაწყვეტილებით, 25 თებერვლიდან შეზღუდვები შემსუბუქება დაიწყო. გადაწყვეტილებები პრემიერმინისტრმა, ირაკლი ღარიბაშვილიმა 24 თებერვალს, პრემიერმინისტრად მოსვლის შემდეგ პირველ საკოორდინაციო სხდომაზე გამოაცხადა. შეზღუდვების ნაწილის შემსუბუქების მიუხედავად, ე.წ. კომენდანტის საათი კვლავ ძალაში დარჩა.