საქართველოს მთავარი პროკურატურა საპატრიარქოს ქონების განკარგვის სამსახურის ხელმძღვანელის დაკავებაზე 14 საათზე საგანგებო ბრიფინგს მართავს.

სასულიერო პირი გიორგი მამალაძე სამართალდამცავებმა რამდენიმე დღის წინ დააკავეს, თუმცა, ამ დრომდე არ გავრცელებულა არანაირი ოფიციალური ინფორმაცია მისი დაკავების შესახებ.

სახელმწიფო დაცვის სპეციალური სამსახურის უფროსის, ანზორ ჩუბინიძის თქმით, რომელიც გერმანიაში იმყოფება, აცხადებს, რომ პროკურატურაში დაკითხვაზე იმყოფებოდა პატრიარქის დაცვის უფროსი სოსო ოხანაშვილი, თუმცა არ დაუზუსტებია, რა საკითხზე. ამჟამად ილია მეორის დაცვას კვლავ სოსო ოხანაშვილი და მისი გუნდი უზრუნველყოფს. ოფიციალური ინფორმაციით, ილია მეორეს დღეს ქირურგიული ოპერაცია უკეთდება, გერმანიაში იმყოფება ეპისკოპოსთა ნაწილიც.

ახალქალაქის მიტროპოლიტმა დღეს გერმანიაში ჟურნალისტებს განუცხადა, რომ არც სასულიერო პირებსა და არც თავად პატრიარქს არ სჯერათ, რომ შესაძლოა, ვინმეს ჰქონოდა პატრიაქრის მოწამვლის განზრახვა.