ქართული ოცნების დეპუტატი, ნინო წილოსანი წერს, რომ თავისუფლების გამავრცელებელი საზოგადოების მსგავს ღირსეულ სახელქვეშ ამოფარებულ ჯგუფებში საშიში ადამიანები ბუდობენ და მათი მიზანია ის, რომ მათი აზრის გარდა არავის აზრი არ ისმოდეს.

"აი ასეთ ღირსეულ სახელქვეშ ამოფარებულ ჯგუფებში ბუდობენ საშიში ადამიანები, ყველაფერზე წამსვლელები, ჰეითერები, ბულერები. მიზანი ნათელი აქვთ, უნდა შეგავიწროვონ, შეურაცგყონ, დაგამცირონ რომ მერე მათი მოსაზრების გარდა არავის აზრი არ ისმოდეს... სტანდარტული მოძალადის ფსიქიკა, რაც უკვე გვინახავს და გამოგვიცდია .. გაგრძელებაა იმ სამარცხვინო წარსულის რაც 2012 წელს ერმა ისტორიას ჩავაბარეთ", — წერს წილოსანი ფეისბუქგვერდზე.

"სირცხვილია ჰეითერობა" — ასე მიმართა 10 მარტს ქართული ოცნების დეპუტატმა, შალვა პაპუაშვილმა ერთ-ერთი ფეისბუქ ჯგუფს, თავისუფლების გამავრცელებელ საზოგადოებას. მისი თქმით, ჯგუფის წარმომადგენელმა მის გვერდზე "შემოსევის ბრძანება გასცა".