ინფექციური საავადმყოფოს დირექტორისა და კლინიკური ჯგუფის ხელმძღვანელის, თენგიზ ცერცვაძის განცხადებით, საქართველოში ვაქცინის შემოსვლის დაგვიანებაზე შეიძლება ბევრი ობიექტური მიზეზი არსებობდეს, მაგრამ ამბობს, რომ თუკი მისი ათვისება ვერ მოხდა, არ ეპატიებათ.

"უნდა დავირაზმოთ და კოორდინირებლად უნდა იმოქმედოს ყველამ, მთავრობამ ჯანდაცვის სამინისტრომ, კლინიკურმა სექტორმა და მოსახლეობამ. აქ თუ ვერ შევძელით, ეს იქნება ჩვენი პასუხისმგებლობა და არა ის, რომ ვერ შემოვიტანეთ. რომ ვერ შემოვიტანეთ, ამაზე, შეიძლება, ძალიან ბევრი ობიექტური მიზეზი ყოფილიყო, მაგრამ როცა შემოვიტანთ და მისი ათვისება ვერ შევძელით, ეს არ გვეპატიება", — განაცხადა ცერცვაძემ პალიტრანიუსთან.

ჯანდაცვის სამინისტროში აცხადებდნენ, რომ საქართველოში Covid-19-ის წინააღმდეგ პირველი ვაქცინა თებერვალში ჩამოვიდოდა. თუმცა ეს ამ დრომდე არ მომხდარა.

5 მარტს ჯანდაცვის მინისტრის მოადგილე, თამარ გაბუნიამ განაცხადა, რომ საქართველო Pfizer-ისა და AstraZeneca-ს დოზებს 22 მარტის კვირაში მიიღებდა.