როგორც ცოტა ხნის წინ გახდა ცნობილი, Netflix-მა ნანა ექვთიმიშვილისა და სიმონ გროსის ახალი ფილმის ჩემი ბედნიერი ოჯახის დისტრიბუციის უფლება შეიძინა.

ქართული დრამის პრემიერა იანვარში სანდენსის კინოფესტივალზე შედგა, სადაც უცხოურმა პრესამ ის წლის ერთ-ერთ საუკეთესო კინოსურათად შეაფასა.

"ჩვენზე ძალიან იმოქმედა ამ დახვეწილმა და საინტერესო ფილმა, სადაც კარგად არის ნაჩვენები 50 წლის ქალის პორტრეტი და ბრძოლა თავისუფლებისთვის. ფილმი ასევე საშუალებას გვაძლევს აღმოაჩინოთ ნაკლებად ცნობილი, მაგრამ საინტერესო ქვეყანა საქართველო", - ამბობს Memento Distribution-ის წარმომადგენელი.

ჩემი ბედნიერი ოჯახის პრემიერა უკვე შედგა ამერიკის შეერთებულ შტატებში, შემდეგი გაჩერება ბერლინალეა, სადაც მაყურებელი მას 13 თებერვალს იხილავს, წლის ბოლომდე კი ფილმს ქართველი მაყურებელიც იხილავს.

Netflix ქართველი მომხმარებლისთვისაცაა ხელმისაწვდომი და შესაბამისად, ფილმის ვიდეო სტრიმინგის სერვისში დარელიზების შემდეგ მისი ნახვა ყველას შეეძლება.