საქართველოს პრეზიდენტის ადმინისტრაციის უფროსისთვის, გიორგი აბაშიშვილისთვის გაუგებარია რატომ არ გაიზიარა პარლამენტმა პრეზიდენტის მოტივირებული შენიშვნები სასმართლო რეფორმასთან დაკავშირებით. ამის შესახებ აბაშიშვილმა პარლამენტის მიერ პრეზიდენტის ვეტოს დაძლევისა და შენიშვნების არ გათვალისწინების შემდეგ განაცხადა.

„[მოტივირებული შენიშვნები] მიზნად ისახავდა სასამართლო სისტემის დამოუკიდებლობისა და დაცულობის ხარისხის ზრდას, რომელიც ძირითადში, სასამართლო სისტემასთან დაკავშირებით ვენეციის კომისიის ძალიან პრინციპულ მოსაზრებებს ემყარებოდა“, - განაცხადა გიორგი აბაშიშვილმა.

პარლამენტმა დაახლოებით ორი საათის წინ 97 ხმით საქართველოს პრეზიდენტის ვეტო დაძლია.