ლიეტუვის სეიმის საგარეო საქმეთა კომიტეტის თავმჯდომარე, ჟიგიმატას პავილიონისი ნაციონალური მოძრაობის ოფისში შეჭრა და ნიკა მელიას დაკავება დემოკრატიის საფრთხეს შეაფასა. ამის შესახებ ის ტვიტერზე წერს.

"გაიღვიძეთ. დარეკეთ ზარები და რეაგირება იქონიეთ. დემოკრატია საფრთხის ქვეშაა! გაზის გამოყენება და ძალადობა ისე, როგორც ერთ დროს ეს პუტინმა ქნა. ივანიშვილის რეჟიმმა ამისთვის უნდა გადაიხადოს", — წერს პავილიონისი.

ნიკა მელია სპეცრაზმმა ოფისში დააკავა. სამართალდამცავები პარტიის ოფისში გამთენიისას გამოჩნდნენ. რამდენიმე საათში მას შემდეგ, რაც ირაკლი ღარიბაშვილი პრემიერმინისტრად აირჩიეს.

სპეცრაზმებელი შენობაში შევიდნენ როგორც სახურავიდან, ისე პირველ სართულზე არსებული შესასვლელებიდან. მათ პირველი სართული გაათავისუფლეს და მოგვიანებით მელიას ოთახს მიადგნენ, სადაც ის ოპოზიციის სხვა ლიდერებთან და მხარდამჭერებთან ერთად იყო გამაგრებული.

პოლიციამ ის კარების გაღება მოახერხა და იქ მყოფი პირების წინააღმდეგ ცრემლსადენი გაზი გამოიყენა. მალევე კი ნიკა მელიაც დააკავეს.