ნაციონალური მოძრაობის ოფისში სპეცრაზმმა გაზი გაუშვა
![](http://monica.on.ge/2021/02/23/BeFunky-collage_4.jpg)
ფოტო: TV პირველი / მთავარი არხი / კადრები ვიდეოდან
ნაციონალური მოძრაობის ოფისში სპეცრაზმა გაზი გაუშვა. როგორც მთავარი არხის მიერ გავრცელებულ კადრებში ისმის, ოთახში, სადაც ენმ-ს თავმჯდომარე ნიკა მელია იმყოფებოდა, მოქალაქეები ამბობენ, რომ "რაღაც შეასხეს", რის შემდეგაც მათ ხველება დაეწყოთ. კადრებიდან ჩანს, რომ მათ ფანჯრები გააღეს და ჰაერის მიღებას ასე ცდილობდნენ.
როგორც ადგილზე მყოფი On.ge-ს ჟურნალისტი გვატყობინებს, შენობაში მყოფი მოქალაქეები სამედიცინო დამხარების მიღებას ითხოვენ, თუმცა სამართალდამცველებს ისინი ოფისში ჯერ არ შეუყვანიათ.
რამდენიმე წუთის წინ სპეცრაზმა ნიკა მელია დააკავა. სამართალდამცავები პარტიის ოფისში გამთენიისას გამოჩნდნენ. რამდენიმე საათში მას შემდეგ, რაც ირაკლი ღარიბაშვილი პრემიერმინისტრად აირჩიეს.
სპეცრაზმებელი შენონაში შევიდნენ როგორც სახურავიდან, ისე პირველ სართულზე არსებული შესასვლელებიდან. მათ პირველი საართული გაათავისუფლეს და მოგვიანებით ნიკა მელიას ოთახს მიადგნენ, სადაც ის ოპოზიციის სხვა ლიდერებთან და მხარდამჭერებთან ერთად იყო გამაგრებული.
აღსანიშნავია, რომ მელიას დაპატიმრება სწორედ ყოფილი პრემიემინისტრის, გიორგი გახარიას გადადგომის გამო გადაიდო. გადადგომა გახარიამ ნიკა მელიას საქმეს დაუკავშირა და თქვა, რომ გუნდში ამაზე "აზრთა სხვადასხვაობა" იყო.
17 თებერვალს თბილისის საქალაქო სასამართლომ დააკმაყოფილა პროკურატურის მოთხოვნა და ნაციონალური მოძრაობის თავმჯდომარეს, ნიკა მელიას აღკვეთის ღონისძიების სახით პატიმრობა შეუფარდა. საქმეს მოსამართლე ნინო ჩახნაშვილი განიხილავდა. აღსანიშნავია, აღკვეთის ღონისძიების შეფარდება არ ნიშნავს საბოლოო გადაწყვეტილებას — განხილვები ამის შემდეგაც უნდა გაგრძელდეს და სასამართლოს მაქსიმუმ 9-თვიანი ვადა აქვს, რომ საბოლოო ვერდიქტი გამოიტანოს. გახარიას გადადგომიდან რამდენიმე წუთში კი, შსს-მ მელიას საქმეზე დაგეგმილი ღონისძიება "დროებით" გადადო.
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
კომენტარები