იურიდიულ საკითხთა კომიტეტის თავმჯდომარის, ანრი ოხანაშვილის განცხადებით, ოპოზიციასთან მოლაპარაკებებში დამატებითი არბიტრი არის ზედმეტი.

"ჩვენ გვყავს ჩვენი საერთაშორისო პარტნიორები ამერიკის შეერთებული შტატები და ევროკავშირი, ვისთანაც ერთადაც გავდივართ ფასილილტაციას და ვისთან ერთადაც ამ პროცესს წარვმართავთ. დამატებითი არბიტრი ამ პროცესში არის ზედმეტი. აქედან გამომდინარე ამერიკის შეერთებული შტატების, ევროკავშირის წარმომადგენლების მიერ წარმართული პროცესის ერთგულნი ვრჩებით და ამის ერთგულნი ვიყავით აქამდე და რა თქმა უნდა ამის შემდგომაც ვიქნებით. ამიტომ აღარ გვჭირდება დამატებითი ფასილიტაცია", — განაცხადა ოხანაშვილმა.

ჟიგიმანტას პავილიონისმა ტვიტერზე დაწერა, რომ ქართული ოცნების გარდა, დიალოგის კეთილი ნების შესახებ ყველა პოლიტიკურმა პარტიამ საჯაროდ განაცხადა. მან, ასევე, ამერიკის შეერთებული შტატების სახელმწიფო მდივან ენტონი ბლინკენს ნაციონალური მოძრაობის თავმჯდომარე ნიკა მელიას საქმისთვის ყურადღების გამახვილებისკენ მოუწოდა.