ინფექციური საავადმყოფოს დირექტორისა და კლინიკური ჯგუფის ხელმძღვანელის, თენგიზ ცერცვაძის განცხადებით, კარგი არ არის, რომ საქართველომ ჯერ კორონავირუსზე ვაქცინაცია ვერ დაიწყო, მაგრამ ამბობს, რომ პროგნოზი კეთილსაიმედოა.

"კარგი არ არის, რომ ჯერ ვერ დავიწყეთ ვაქცინაცია, მაგრამ პროგნოზი კეთილსაიმედოა. როცა დაიწყება, დაიწყება ისე, რომ ეტაპობრივად გაგრძელდება და წლის ბოლომდე, მე არ ვიცი ახლა 60-65%-ის აცრა მოხერხდება თუ არა, მაგრამ ძალიან სერიოზული რაოდენობა იქნება ვაქცინის შემოტანილი", — განაცხადა ცერცვაძემ საზოგადოებრივ მაუწყებელთან.

ის, ასევე, კორონავირუსზე ვაქცინაციის დაგვიანებას საერთაშორისო ორგანიზაციებში არსებულ ბიუროკრატიას აბრალებს. ინფექციონისტის თქმით, ბიუროკრატია მხოლოდ საქართველოში არ არის.

საქართველოში Covid-19-ზე ვაქცინა, ჯერჯერობით, არ შემოსულა. პირველი ვაქცინა, რომელიც საქართველოში უნდა შემოვიდეს Pfizer-ია. ჯანდაცვის სამინისტროში აცხადებდნენ, რომ თებერვლის ბოლოს საქართველო 29 250 დოზა Pfizer-ის ვაქცინას მიიღებდა, რომელიც 14 500-მდე სამედიცინო პერსონალზე იქნებოდა გათვლილი.

ჯანდაცვის მინისტრის მოადგილე, თამარ გაბუნია ამბობდა, რომ COVAX პლატფორმის ფარგლებში, დაახლოებით, მარტის დასაწყისში AstraZeneca-ს 315 000 დოზაც შემოვიდოდა. ხოლო AstraZeneca-სთან პირდაპირი მოლაპარაკებების საფუძველზე, გაბუნიას თქმით, საქართველო 150 ათას დოზა ვაქცინას მიიღებს.

გაიგეთ მეტი: