დეკანოზი ილია ჭიღლაძე, რომლის განცხადებებიც სინოდის სხდომაზე განიხილეს, რომ ასეთი "ფსევდო ეკლესიის მღვდელმსახურება" ქრისტეს გაყიდვას და სატანის მსახურებად მიაჩნია.

"დანარჩენს უფრო დეტალურად თანდათან მოგახსენებთ და განვაცხადებ!" — წერს ჭიღლაძე ფეისბუქზე.

11 თებერვლის სინოდის სხდომის განჩინებიდან ვკითხულობთ, რომ საპატრიარქომ დეკანოზის კრიტიკას "უკიდურესად შეურაცხმყოფელსა და ცილისმწამებლურს" აფასებს. როგორც განჩინებაში ვკითხულობთ, აღნიშნულ საკითხს შემდგომი რეაგირებისთვის სინოდალური კომისია შეისწავლის და მთავარეპისკოპოს ზენონის პოზიციას მოისმენს.

"საქართველოს ეკლესიის სინოდი, ფორმირებული საბჭოთა კგბ-ს მიერ (იხ. ედ. შევარდნაძის სატელევიზიო აღიარება) აგრძელებს ერის ზომბირებას, საეკლესიო ძალაუფლების უზურპაციას და რუსული იმპერიალისტური იდეოლოგიის ღრმად ჩანერგვას ქართველ ხალხში", — წერს დეკანოზი ჭიღლაძე ფეისბუქზე.

როგორც სასულიერო პირი ამბობს, იმის ნაცვლად, რომ რუსეთის პატრიარქის მიერ ოკუპირებულ ტერიტორიებზე ეკლესიის მშენებლობა და ანტივაქსერული ქადაგებები განიხილოს, სინოდის მის განცხადებებზე ამახვილებს ყურადღებას:

"უნდა ვთქვა, რომ იმაზე დიდი შეურაცხყოფა ქრისტესი და მისი ეკლესიის, რასაც ჩვენი წითელი საპატრიარქო და მისი ფსევდო სინოდი კადრულობს, ძნელი წარმოსადგენია. ჩვენ დიდი ხანია აღარ გვყავს ჭეშმარიტი პატრიარქი და სინოდი, მის ნაცვლად არის ძალაუფლების და სიცრუის კერპი, რომელმაც დაიმონა მთელი საქართველო და დააზომბირა ქართველი ერის დიდი უმრავლესობა! ასეთი ფსევდო ეკლესიის მღვდელმსახურება მიმაჩნია ქრისტეს გაყიდვად და სატანის მსახურებად!"

დეკანოზი ილია ჭიღლაძეს, რომელიც დიდი ბრიტანეთისა და ჩრდილოეთ ირლანდიის ქართული სამრევლოს მღვდელმსახურია, საპატრიარქოს მიმართ კრიტიკა არაერთხელ გამოუხატავს. იგი არ ეთანხმება, საპატრიარქოს განცხადებებს პანდემიისას ტაძრებში სიარულთან დაკავშირებით და ანტისახელმწიფოებრივს უწოდებდა. ამასთან, დეკანოზმა აღნიშნა, რომ საქართველოს ეკლესიაში რუსული გავლენები ძლიერია.

სინოდის სხდომა 11 თებერვალს ჩატარდა. სხდომის განჩინება კი დღე-ნახევრის შემდეგ გამოაქვეყნეს. სხდომაზე 12 საკითხი განიხილეს, მათ შორის დავით გარეჯის, ვაქცინაციის, ბიბლიური თავისუფლებისა და მეუფე პეტრე ცაავას საკითხები.