მოქალაქეების ერთ-ერთი წარმომადგენლის, ლევან იოსელიანის განცხადებით, რესპუბლიკელების ინიციატივა პარლამენტში კონკრეტული კანონპროექტის ინიცირების შემთხვევაში ერთჯერადად მისვლის და განხილვაში ჩართვის შესახებ გაბედული და სახელმწიფოებრივი პოზიციაა.

"ის, რაც დღეს რესპუბლიკური პარტიის წარმომადგენლებმა თქვეს, ჩემი აზრით, არის ძალიან გაბედული და, რაც მთავარია, სახელმწიფოებრივად სწორი პოზიცია. ეს ადამიანები ყველაზე კარგად ხვდებიან ჯერჯერობით, რამხელა ხიფათია სამომავლოდ ჩადებული კონსტიტუციაში, თუ 5%-იანი ბარიერი არ დაიწევს და ჩვენი ქვეყანა აღმოჩნდება ისევ ამ ორპოლუსიანი დიქოტომიის წინაშე, როდესაც ქართული ოცნების მთავარი საფრთხობელა ისევ იქნება ნაციონალური მოძრაობა და ნაციონალური მოძრაობა მეცხრედ თუ მერვედ ისევ დამარცხდება მასთან არჩევნებზე", — განაცხადა იოსელიანმა.

დღეს, 10 თებერვალს, ხათუნა სამნიძემ განაცხადა, რომ თუ უბარიერო პროპორციული არჩევნების კანონპროექტი დარეგისტრირდება, მზადაა, კენჭისყრაში მონაწილეობის მისაღებად საპარლამენტო მანდატი გამოიყენოს.

გაიგეთ მეტი: