5 თებერვალს, New York Times-ის დოკუმენტური ფილმი, Framing Britney Spears გავრცელდა. ფილმი, რომლის ნახვაც Hulu-ზე და FX-ზე შეგიძლიათ, ბრიტნი სპირსის ბავშვობიდან იწყება და მეურვეობის საკითხებზე და მოძრაობა #FreeBritney-ზეც ყვება.

Framing Britney Spears — პოპ ვარსკვლავის შესახებ დოკუმენტური ფილმი გადაიღეს

ფანების განსაკუთრებული ყურადღება იმ მომენტებმა მიიქცია, რომელიც ჯასტინ ტიმბერლეიკს ეხება. ჯასტინი და ბრიტნი 3 წლის განმავლობაში, 2002 წლამდე ხვდებოდნენ ერთმანეთს.

დოკუმენტური ფილმი მათი დაშორების შემდეგ მომხდარ ორ მნიშვნელოვან მომენტს უსვამს ხაზს: ჯასტინ ტიმბერლეიკის სიმღერის — Cry Me A River-ის ტექსტში ასეთი მონაკვეთი გვხვდება: "ეს მასთან[კაცთან] უბრალოდ საუბარს სულაც არ ჰგავდა", რაც ღალატზე მინიშნებას შეიცავს. სიმღერა ბრიტნისთან დაშორების შემდეგ დაიწერა და პოპ პრინცესასთან ურთიერთობით იყო შთაგონებული. მეორე მომენტი ჯასტინის ინტერვიუებია, რომლებშიც მომღერალი ბრიტნისთან სექსზე საუბრობს.

ბრიტნი სპირსის თქმით, იმ პერიოდში ჯასტინ ტიმბერლეიკის გარდა სექსი არავისთან ჰქონდა, თუმცა მისი პირადი ცხოვრების ყველაზე ინტიმური დეტალები საჯარო განხილვის საგანი გახდა და მომღერალი ზეწოლის მსხვერპლი იყო. ჯასტინ ტიმბერლეიკს კი "კარგი ტიპის" იმიჯი მიაწერეს.

ფანების აზრით ჯასტინ ტიმბერლეიკმა კარიერა ბრიტნის სპირსის იმიჯზე მიყენებული დარტყმებით ააგო.

"ბრიტნიზე გადაღებულ დოკუმენტურ ფილმს ვუყურებ და იქნებ 2021 წელს მაინც ვთქვათ ხმამაღლა, რომ ჯასტინის კარიერა ბრიტნის დამცირებაზე, პირადი ცხოვრების დეტალების საჯაროდ გამოტანაზე დგას".

"20 წლის წინაც ამ აზრზე ვიყავი და ახლაც იგივეს გავიმეორებ: ჯასტინ ტიმბერლეიკი ნაგავია. სამწუხაროდ თეთრკანიან ჰეტეროსექსუალ კაცს ამ უმსგავსობისთვის პასუხს არავინ მოსთხოვს".

ტიმბერლეიკმა სპირსთან ურთიერთობის პერიოდი რამდენიმე დღის წინაც გაიხსენა, როდესაც ცნობილ ჯინსებიან ფოტოზე თქვა, რომ სურს ეს კადრი ყველამ დაივიწყოს, მაგრამ ასე არ ხდება. მომღერლის ქმედება ჯენეტ ჯექსონის იმიჯის დაზიანების მიზეზიც გახდა, თუმცა ტიმბერლეიკს არც აღნიშნული საქციელის გამო მოუხდია ბოდიში.

თავისუფლება ბრიტნის — მაინც რა ხდება პოპის პრინცესის თავს