საქართველოს ეროვნული ბანკის შეფასებით, დეკემბერში ეკონომიკური აქტივობა 7,9%-ით შემცირდა, ხოლო მთელი წლის განმავლობაში 6,1%-ით.

"წინასწარი ინდიკატორებით, ერთობლივი მოთხოვნა სუსტია. არსებული შეფასებით, ეკონომიკური აქტივობა დეკემბერში წლიურად 7,9%-ით შემცირდა, თორმეტი თვის საშუალო კი -6,1%-ია. 2020 წელს კლების შემდეგ, 2021 წლიდან ეკონომიკური აქტივობის ეტაპობრივი აღდგენაა მოსალოდნელი", — წერია ეროვნული ბანკის განცხადებაში.

ბანკის პროგნოზებით, სხვა თანაბარ პირობებში, 2021 წელს ეკონომიკური ზრდა 4%-ის ფარგლებშია მოსალოდნელი და მისი მთავარი მამოძრავებელი ადგილობრივი მოთხოვნა იქნება, საგარეო მოთხოვნა კი მნიშვნელოვნად შემცირებული დარჩება.