მას შემდეგ, რაც სოფო ჯაფარიძე ერთიანი ნაციონალური მოძრაობის წევრი გახდა, მან სამედიცინო პლატფორმა მედგიდი, რომლის ერთ-ერთი დამფუძნებელიც თვითონაა, დატოვა.

"31 იანვარს, მთავარი არხის პირდაპირ ეთერში მოხდა განახლებული ნაციონალური მოძრაობის წევრების წარდგენა, რომელთა რიგებში ერთ-ერთი ადამიანი გახლდათ ჩვენი სამედიცინო პლატფორმა მედგიდის დამფუძნებელი სოფო ჯაფარიძე. გამომდინარე იქედან, რომ მედგიდი ყოველთვის ემიჯნებოდა და გაემიჯნება, რომელიმე პოლიტიკურ პარტიასთან ასოცირებას, სოფომ მიიღო გადაწყვეტილება, რომ დატოვოს ჩვენი გუნდი", — წერია მედგიდის განცხადებაში.

ჯგუფი მედგიდი სამედიცინო სექტორის დატვირთვის გამო, ექიმებსა და პაციენტებს შორის გამარტივებული კომუნიკაციისთვის შეიქმნა, სადაც განიხილებოდა ნებისმიერი აქტუალური თებები, ქრონიკული დაავედებები, უფრო ხშირად კი, კორონავირუსთან დაკავშირებული კითხვები.

ერთიანი ნაციონალური მოძრაობის თავმჯდომარემ, ნიკა მელიამ გუნდის ახალი წევრები გასულ კვირას წარადგინა. ესენია:

  • ბარბარა ჯიმელი სულაშვილი — საერთაშორისო პოლიტოლოგიის მაგისტრი;
  • რეზო ჩომახიძე — დიპლომატიური ეკონომიკის მაგისტრი;
  • ანა გოგოლაძე — საჯარო მმართველობის მაგისტრი;
  • სოფო ჯაფარიძე — ლექტორი;
  • ნონა მამულაშვილი — დიპლომატიისა და საერთაშორისო ურთიერთობების დოქტორი;
  • ზვიად ქვლივიძე — ევროპული ბიზნეს ადმინისტრირებისა და ბიზნეს სამართლის მაგისტრი;
  • გიორგი თარგამაძე — ბიზნეს ადმინისტრირების მაგისტრი;
  • მანუჩარ ახალაია — სამართალმცოდნეობის მაგისტრი;
  • გიორგი ჩალაძე — იურისტი, მედიატორი;
  • ნიკა ობოლაძე — იურისტი;
  • ბაჩო დოლიძე — პოლიტიკური მარკეტინგის მაგისტრი;
  • გიორგი ხვედელიანი — პოლიტიკური ეკონომიკის მაგისტრი, ფილოსოფიის დოქტორანტი.