პარლამენტმა ვაქცინასთან დაკავშირებით კანონში შესატან ცვლილებებს პირველი მოსმენით მხარი დაუჭირა. ცვლილებებს 81-მა დეპუტატმა 0-ის წინააღმდეგ მისცა ხმა.

კორონავირუსის საწინააღმდეგო ვაქცინასთან დაკავშირებით პარლამენტში საზოგადოებრივი ჯანმრთელობის შესახებ კანონში შესატანი ცვლილებები 25 იანვარს დაინიცირდა. ცვლილებების თანახმად, პარლამენტი დაამტკიცებს რა სახის ვაქცინის შემოტანაა შესაძლებელი ქვეყანაში და რა პასუხისმგებლობა ეკისრება სახელმწიფოს.

კერძოდ, ჩატარებული აცრების შემდგომი გვერდითი მოვლენების ან გართულებების განვითარების შემთხვევაში, სახელმწიფო იღებს პასუიხისმგებლობას, უზრუნველყოს მოსახლეობის უფასო სამედიცინო მომსახურება და რეაბილიტაცია, გარდა იმ შემთხვევებისა, როდესაც აცრების შემდგომი გვერდითი მოვლენები გამოწვეულია იმპორტიორის, სამედიცინო პერსონალის, თუ სამედიცინო დაწესებულების დაშვებული შეცდომით.

ჯანმრთელობის დაცვისა და სოციალურ საკითხთა კომიტეტის თავმჯდომარის, დიმიტრი ხუნდაძის განცხადებით, მსგავსი პასუხისმგებლობა სახელმწიფოს კალენდარულ აცრებზეც უკვე აქვს.

ამავე თემაზე: