NDI-ს კვლევის თანხმად, გამოკითხულთა 41% თანახმაა, კორონავირუსის ვაქცინა გაიკეთოს, 41% — წინააღმდეგია. 17% ამბობს, რომ არ იცის.

ფოტო: NDI

ამასთან, გამოკითხულთა 80% ამბობს, რომ ინფორმირებულია იმის შესახებ, როგორ მიიღოს დახმარება კორონავირუსთან დაკავშირებით, 13%-ს კი ეს ინფორმაცია არ აქვს.

ფოტო: NDI

კვლევა 2020 წლის 17-24 დეკემბრის პერიოდში ჩატარდა. სატელეფონო ინტერვიუს გზით ქვეყნის მასშტაბით 2 053 სრულწლოვანი ადამიანი გამოიკითხა (ოკუპირებული ტერიტორიების გამოკლებით). რესპონდენტები მარტივი შემთხვევითი შერჩევის გზით — შემთხვევით ნომერზე დარეკვის მეთოდით შეირჩნენ. ინტერვიუები ჩატარდა ქართულ, აზერბაიჯანულ, სომხურ და რუსულ ენებზე.

კვლევის საშუალო ცდომილების ზღვარი +/- 1.1%-ა. NDI-ში განმარტავენ, რომ ახალი მონაცემების კვლევის წინა ტალღებთან შედარებისას გასათვალისწინებელია, რომ ინტერვიუს მეთოდის ცვლილება შესაძლოა ცდომილებაზე აისახოს.