ნამდვილად არ არის პროტესტის საუკეთესო ფორმა, თუმცა მესმის მისი შინაარსი — ბოკუჩავა ჩავლეიშვილისთვის ნაგვის დაყრაზე
![](http://chandler.on.ge/2020/05/22/IMG_8441_5ec7c2d691093.jpg)
ფოტო: გვანცა ნემსაძე / On.ge
ერთიანი ნაციონალური მოძრაობის ერთ-ერთი ლიდერი, თინათინ ბოკუჩავა აცხადებს, რომ ირაკლი ჩავლეიშვილისთვის ნაგვის დაყრა პროტესტის საუკეთესო ფორმა არ არის, მაგრამ ესმის მისი შინაარსი.
"მე, როგორც ერთმა რიგითმა ადამიანმა, შემიძლია გითხრათ, რომ გამოხატვის ეს ფორმა ნადვილად არ არის პროტესტის საუკეთესო ფორმა, თუმცაღა, მესმის მისი შინაარსის იმ თვალსაზრისით, რომ ადამიანებში არის ძალიან დიდი რისხვა იმასთან დაკავშირებით, რომ მათ მოპარეს ყველაზე ძვირფასი დემოკრატიული უფლება და ეს არის არჩევანის გაკეთების თავისუფლება", — განაცხადა ბოკუჩავამ.
გუშინ, 23 იანვარს, ირაკლი ჩავლეიშვილს, რომელიც აჭარის უმაღლეს საბჭოში ოპოზიციის სიით შევიდა, მოქალაქეებმა ქუჩაში ნაგავი დააყარეს. ამის ამსახველი ვიდეო ორგანიზაცია ალტერნატივამ გაავრცელა. როგორც ალტერნატივის მიერ გავრცელებულ ვიდეოკადრებში ჩანს, მოქალაქეები ჩავლეიშვილს ქუჩაში შეხვდნენ. ისინი "მონა, მოღალატეს" სკანდირებდნენ და ეუბნებოდნენ, რომ საბჭოში გაყალბებული მანდატით შევიდა.
დღეს ცნობილი გახდა, რომ საქმეზე შსს-მ გამოძიება დევნისა და ხულიგნობის მუხლებით დაიწყო. მალევე, ალტერნატივას წარმომადგენელი, ირაკლი ფანგანი დააკავეს.
მას ბრალდება საქართველოს სისხლის სამართლის კოდექსის 156-ე მუხლის მეორე ნაწილის "ა" ქვეპუნქტით (პოლიტიკურ მოღვაწეობასთან დაკავშირებით ძალადობით დევნა) წარედგინა, რაც სასჯელის სახედ და ზომად სამ წლამდე თავისუფლების აღკვეთას ითვალისწინებს.
დეკემბერში ირაკლი ჩავლეიშვილმა რესპუბლიკური პარტია დატოვა და საბჭოში შესვლა გადაწყვიტა. პარტიის დატოვების მიზეზად მან ბოიკოტთან დაკავშირებით განსხვავებულ პოზიციებს ასახელებს.
ამავე თემაზე:
- პირისთვის ნაგვის ურნის თავზე ჩამოცმა არ ჯდება გამოხატვის თავისუფლების ფარგლებში — ლომჯარია
- რა ფორმითაც მოხდა ეს ინციდენტი, მიუღებელია — ბოკერია უმაღლესი საბჭოს წევრზე
- სამარცხვინო ხალხია ის, ვინც ნაგავს აყრის ადამიანს და ისიც, ვინც ამას მიესალმება — სამადაშვილი
- ეს არაა გამოხატვის თავისუფლება, ეს გამოხატვის თავისუფლებაზე თავდასხმაა — ლელო ბათუმის ინციდენტზე
- ძალადობა განსხვავებული პოლიტიკური შეხედულების გამო არის ბოლშევიზმი — რომან გოცირიძე
- მელია ამბობს, რომ თავზე ნაგვის დაყრა არ მოსწონს, მაგრამ "ესმის ადამიანების მრისხანება"
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
კომენტარები