სილქნეტის აბონენტებს ინტერნეტი კვლავ ხარვეზებით მიეწოდებათ. უცნობია, რამდენ ადამიანთანაა შეფერხება, თუმცა პრესსამსახურში On.ge-ს უთხრეს, რომ ეს ეხება როგორც თბილისს, ასევე, რეგიონებს.

შეფერხება რამდენიმე საათის წინ დაიწყო. მოხმარებლები ვერც Silknet-ს ცხელ ხაზზს უკავშირდებიან. ავტომოპასუხის თანახმად, ფიქსირდება ხარვეზი.

კომპანიის განცხადებით, მიზეზი ტექნიკური სამუშაოებია. მათივე ინფორმაციით, სპეციალისტები საგანგებო რეჟიმში მუშაობენ, რათა სერვისი აღდგეს უმოკლეს ვადებში.