დიდი ბრიტანეთის პრემიერმინისტრის, ბორის ჯონსონის განცხადებით, შესაძლოა, კორონავიორუსის ახალი შტამი უფრო მომაკვდინებელი იყოს. მისი თქმით, ამ ვარაუდისთვის "გარკვეული მტკიცებულებები" არსებობს. ინფორმაციას ამის შესახებ BBC ავრცელებს.

ინგლისის საზოგადოებრივი ჯანდაცვის სამსახურმა, ლონდონის კოლეჯმა, ლონდონის ჰიგიენისა და ტროპიკული მედიცინის სკოლამ და ეგზტერის უნივერსიტეტმა სცადეს ახალ შტამზე მტკიცებუელბების შეგროვება, რაც ახალი და განვითარებადი რესპირატორული ვირუსის საშიშროების მრჩეველთა ჯგუფის (Nervtag) მეცნიერებმა შეაფასეს და დაასკვნეს, რომ არსებობს "რეალისტური შესაძლებლობა", ეს ვირუსი უფრო მომაკვდინებელი იყოს.

კორონავირუსის ახალ შტამს B.1.1.7-ს უწოდებენ. იგი პირველად ლონდონსა და ინგლისის სამხრეთ-აღმოსავლეთ რეგიონებში გამოჩნდა და უფრო სწრაფად ვრცელდება, ვიდრე აქამდე ცნობილი შტამი. ბრიტანეთში გამოვლენილი მუტაცია უკვე დადასტურებულია მსოფლიოს 30-ზე მეტ ქვეყანაში, მათ შორის, საქართველოშიც.

გაიგეთ მეტი: