განათლების მინისტრის, მიხეილ ჩხენკელის განცხადებით, თბილისში, ქუთაისსა და რუსთავში 15 თებერვალს მოხდება კონკრეტული ეპიდსიტუაციის მნიშვნელოვანი შეფასება და თუ 7 დღის მაჩვენებელი 4%-მდე იქნება ჩამოსული, შესაბამისად შემსუბუქების პროცედურები დაიწყება.

"1 თებერვლიდან მთელი ქვეყნის ტერიტორიაზე, გარდა თბილისის, ქუთაისის და რუსთავისა, სკოლები სასწავლო პროცესს გააგრძელებენ საკლასო ოთახებში. რაც შეეხება თბილისს, რუსთავსა და ქუთაისს, ჩვენი გეგმის მიხედვით, იქ სასწავლო პროცესი დასწრებული ფორმით საკლასო ოთახებში გაგრძელდება 1-ლი მარტიდან. რასაკვირველია, ეს დამოკიდებულია ეპიდსიტუაციაზე. აქვე მინდა დავძინო, რომ 15 თებერვალს მოხდება კიდევ ერთი ძალიან მნიშვნელოვანი შეფასება კონკრეტული ეპიდსიტუაციის და თუ 7 დღის მაჩვენებელი ჩამოსულია 4%-მდე, შესაბამისად შემდგომი შემსუბუქების პროცედურები დაიწყება", — განაცხადა ჩხენკელმა.

ჩხენკელის განცხადებით, პირველი თებერვლიდან მთელი ქვეყნის მასშტაბით, გარდა თბილისის, ქუთაისისა და რუსთავის გარდა, მოსწავლეები სასწავლო პროცესს სკოლებში გააგრძელებენ. ხოლო თბილისში, რუსთავსა და ქუთაისში სასწავლო პროცესი საკლასო ოთახებში პირველი მარტიდან გაგრძელდება. თუმცა, მისივე თქმით, ეს ეპიდსიტუაციაზე იქნება დამოკიდებული.

საკოორდინაციო საბჭომ ე.წ. წერტილოვანი შეზღუდვების ნაწილის მოხსნა გადაწყვიტა. შეზღუდვების სხვადასხვა ქალაქში სხვადასხვა დროს და განსხვავებული პირობებით იხსნება.