19 იანვარს, ნათლისზღებას კორონავირუსის პანდემიის გამო ბათუმში ზღვაში შესვლის ტრადიცია არ შესრულდება. ამის შესახებ ინფორმაციას ბათუმისა და ლაზეთის ეპარქია ავრცელებს.

"18 იანვარს, 16 საათზე ნათლისღების სადღესასწაულო ლოცვა. 19 იანვარს 09:00 საათზე ნათლისღების სადღესასწაულო წირვა. წყალკურთხევა (დიდი აიაზმა). პანდემიიდან გამომდინარე წელს ზღვაში შესვლის ტრადიცია არ შესრულდება", — აღნიშნულია განცხადებაში.

კორონავირუსის პანდემიის გამო ქვეყანაში არაერთი შეზღუდვა მოქმედებს, მათ შორის გადაადგილებაზე. საღამოს 9 საათიდან დილის 5 საათამდე გადაადგილება აკრძალულია. აღნიშნული შემთხვევა ბოლო ორი თვის განმავლობაში მხოლოდ ორჯერ მოიხსნა: ახალი წლის ღამეს და მართლმადიდებელი ეკლესიის შობის ღამეს.