Swoop.ge MY.GE-ის ჯგუფს შეუერთდა და 2021 წლიდან ის კომპანიის მრავალფეროვანი სერვისების მეათე ვებგვერდი გახდება.

Swoop.ge-ის MY.GE-ს გაერთიანება ჯგუფში გააჩენს ახალ შესაძლებლობებს, როგორც Swoop-ის პარტნიორი კომპანიებისათვის, ასევე მომხმარებლებისათვის. მნიშვნელოვანია, რომ პარტნიორებს გაუჩნდებათ შესაძლებლობა მომხმარებლების უფრო დიდ სეგმენტს მიწვდნენ და გააკეთონ ახალი ექსკლუზიური შეთავაზებები, ხოლო Swoop-ის ერთგული მომხმარებლები კიდევ უფრო სარფიანად შეძლებენ სასურველი მომსახურების მიღებას.

"გვიხარია, რომ თანამშრომლობა შედგა და Swoop გახდა MY.GE-ის ჯგუფის წევრი. ვფიქრობთ, ეს ძალიან კარგი დასაწყისია და ინდუსტრიის, კიდევ უფრო მეტად განვითარებისა და ერთად წინსვლისთვის. რაც მთვარია, Swoop შეინარჩუნებს ბრენდის იდენტობას და განაგრძობს ჩვეულ რეჯიმში ფუნქციონირებას", — ამბობს ნიკა ჩილინდრიშვილი MY.GE-ის საოპერაციო ლიდი და Mymarket-ის მიმართულების ხელმძღვანელი.

Swoop ფასდაკლების ვაუჩერების უნივერსალური ვებგვერდია, სადაც განთავსებულია სხვადასხვა მომსახურებისა და პროდუქტის შეთავაზებები. მომხმარებელს ვებგვერდზე მარტივად შეუძლია აღმოაჩინოს მისთვის სასურველი ფასდაკლება სხვადასხვა კატეგორიიდან და მნიშვნელოვნად შეამციროს დანახარჯი.

ათწლეულზე მეტია, რაც MY.GE საქართველოში E-Commerce-ის ლიდერია. ის 2.2 მილიონი ვიზიტორით, ყველაზე საჭირო ადგილია ქართულ ინტერნეტში, რომელიც 9 ვებგვერდს აერთიანებს: Myauto, Myhome, Mymarket, Mystartup, Myparts, Myshop, Myads, Myjobs და Mysports. მას ამიერიდან Swoop-იც შეუერთდება, რაც მნიშვნელოვან, ახალ შესაძლებლობას მისცემს კომპანიას და შეეძლება ყოვლისმომცველი სივრცე გახდეს, სადაც მომხმარებელისთვის უნივერსალურ ციფრული სერვისებს უზრუნველყოფს. MY.GE თავისი პლატფორმების მეშვეობით ქმნის მომხმარებლისთვის პერსონალურ გამოცდილებას, რათა მარტივად ნახო საშენო. ამიერიდან, ამ მიზანს Swoop-იც შეუერთდება.