საპარლამენტო უმრავლესობის წევრი, ირაკლი ზარქუა აცხადებს, რომ ბიძინა ივანიშვილის გარეშე წინსვლა ქართული ოცნებისთვის გამოწვევაა, რადგან მას, პერსონალურად, საკუთარ პარტიაზე მაღალი რეიტინგი ჰქონდა.

"ბატონი ივანიშვილის რეიტინგი იყო საკმაოდ მნიშვნელოვანი. პარტიაზე მაღალი რეიტინგი ჰქონდა და ეს არავისთვის არ არის უცხო. თუმცა, კიდევ ერთხელ ვამბობ, ჩვენ ამ გამოწვევას, ეს ჩვენთვის გამოწვევაა — პარტიის თავმჯდომარის გარეშე წინ წავიდეთ, ნამდვილად გამოწვევაა და ჩვენ შევეცდებით, რომ ამ გამოწვევას ღირსეულად ვუპასუხოთ", — განაცხადა ირაკლი ზარქუამ.

პოლიტიკაში მეორედ მოსვლის შემდეგ ქართული ოცნების თავმჯდომარე, ბიძინა ივანიშვილი ამბობს, რომ პოლიტიკიდან მეორედ მიდის. ამის შესახებ მან ფეისბუქში გამოქვეყნებულ საჯარო წერილში განაცხადა. მმართველი პარტიის ყრილობა შაბათს, 16 იანვარს გაიმართება, სადაც ქართული ოცნების ახალ თავმჯდომარეს აირჩევენ. პარტიამ ამ პოსტზე ირაკლი კობახიძის კანდიდატურა წარადგინა.

გაიგეთ მეტი: