ნეტფლიქსს ყველა ძირითადად სერიალებით იცნობს, თუმცა ეს გიგანტი ამერიკული სტრიმინგ სერვისი ბოლო დროს სულ უფრო ხშირად თანამშრომლობს კინოსამყაროს გავლენიან ხელოვანებთან და ახალ-ახალ პროექტებსაც გვთავაზობს.

იმის საჩვენებლად, რომ ამ მხრივ არც 2021 წელი იქნება გამონაკლისი, ნეტფლიქსმა სპეციალური ვიდეო გამოაქვეყნა, ერთგვარი ტრეილერი, რომელშიც იმ ყველა მნიშვნელოვანი ფილმიდანაა პირველი კადრები თავმოყრილი, რომელთა პრემიერას შემდეგი 12 თვის განმავლობაში უნდა ველოდოთ.

მათ შორისაა ჰალი ბერის პირველი სარეჟისორო დებიუტი Bruised, კრის ჰემსვორტის ახალი მძაფრსიუჟეტიანი თავგადასავალი Escape from the Spiderhead თუ ზენდეისა და ჯონ დევიდ ვაშინგტონის დამაინტრიგებელი შავ-თეთრი სურათი Malcolm and Marie.

თუმცა მთავარი სიურპრიზი ვიდეოს ბოლოში დაგვხვდა: წელს ნეტფლიქსზე გამოვა ლეონარდო დიკაპრიოსა და ჯენიფერ ლოურენსის საერთო ახალი ფილმი Don’t Look Up. ამაში დასარწმუნებლად და საერთო ეიფორიის გასაზიარებლად, შეგიძლიათ, წლის პრემიერების ტრეილერი თავად იხილოთ და შეაფასოთ:

ლოურენსისა და დიკაპრიოს ახალი კინოსურათი ადამ მაკკეიმ გადაიღო, რომლისთვის ეს პირველი სარეჟისორო ნამუშევარია 2018 წელს გამოსული ვიცეპრეზიდენტის (Vice) შემდეგ. ამ წლის უდავოდ ერთ-ერთი ყველაზე მაღალი მოლოდინების ფილმში ასევე ვიხილავთ ქეით ბლანშეტს, ტიმოთი შალამეს, მერილ სტრიპს, არიანა გრანდეს და კიდევ სხვა არაერთ ვარსკვლავს.

ნეტფლიქსის ტრეილერში მოხვედრილი ფილმების სრული ჩამონათვალი ასე გამოიყურება:

  • Red Notice
  • The Harder They Fall
  • Thunder Force
  • Bruised
  • tick, tick… BOOM!
  • The Kissing Booth 3
  • To All The Boys: Always And Forever
  • The Woman in the Window
  • Escape from Spiderhead
  • YES DAY
  • Sweet Girl
  • Army of the Dead
  • Outside the Wire
  • Bad Trip
  • O2
  • The Last Mercenary
  • Kate
  • Fear Street
  • Night Teeth
  • Malcolm and Marie
  • Monster
  • Moxie
  • The White Tiger
  • Double Dad
  • Back to the Outback
  • Beauty
  • Red Notice
  • Don’t Look Up

თავადაც დარწმუნდებოდით, რომ ამ წლის განმავლობაში ნეტფლიქსი თავის მაყურებელს ნამდვილად მრავალფეროვან სანახაობას უმზადებს, ამავდროულად კი კინოდაჯილდოებებისთვის ძლიერ კანდიდატებს ამზადებს, რითიც 2020-შიც გამოირჩეოდა: მომავალ ოსკარებზე დევიდ ფინჩერის Mank და სპაიკ ლის Da 5 Bloods ერთ-ერთ მთავარ ფინალისტებად განიხილებიან.