საქართველოს პარლამენტის თავმჯდომარე, არჩილ თალაკვაძე, ექსპრეზიდენტ მიხეილ სააკაშვილს არაფორმალურ მმართველობაში ადანაშაულებს. მისი თქმით, არაფორმალური მმართველები არიან ოპოზიციის ის ლიდერებიც, რომლებსაც არ აქვთ საპარლამენტო მანდატები და სხვა ოპოზიციონერ ლიდერებს "უხევენ მანდატებს".

"ოპოზიციას არაფორმალური მმართველი დღეს თუ ყავს, ეს, პირველ რიგში არის მიხეილ სააკაშვილი და ის წაგებული დეპუტატები, რომლებსაც მანდატები არ აქვთ და მანდატებს უხევენ იმ დეპუტატებს, ვინც ოპოზიციაში საზოგადოებამ აირჩია და არ შემოდიან პარლამენტში. თუ არაფორმალური მმართველობის მაგალითი გინდათ, აი ეს არის კლასიკური მაგალითი, როდესაც სხვა ქვეყნიდან უკანონო ჩარევით ადამიანი მართავს რადიკალურ ოპოზიციას და მეორე, როდესაც უმანდატო პოლიტიკოსები მანდატიან პოლიტიკოსებს უხევენ მანდატებს. ამაზე მეტი არაფორმალიზმი რა გნებავთ?!", — განაცხადა არჩილ თალაკვაძემ.

ეს განცხადება თალაკვაძემ ბიძინა ივანიშვილის არაფორმალურ მმართველობაზე კითხვის საპასუხოდ გააკეთა. მისი თქმით, აქამდე ივანიშვილს ფორმალური თანამდებობა ჰქონდა და ლეგიტიმურად იღებდა მონაწილეობას ქვეყნის მმართველობის პროცესში, მისი წასვლის შემდეგ კი ქართული ოცნება განახლებულ რეჟიმში გააგრძელებს მუშაობას.

პოლიტიკაში მეორედ მოსვლის შემდეგ ქართული ოცნების თავმჯდომარე, ბიძინა ივანიშვილი ამბობს, რომ პოლიტიკიდან მეორედ მიდის. ამის შესახებ მან ფეისბუქში გამოქვეყნებულ საჯარო წერილში განაცხადა.

გაიგეთ მეტი: