ფრანგმა კინოკრიტიკოსებმა წლის საუკეთესო ფილმები გამოავლინეს.

პოლ ვერჰოვენის ის ქალი წლის საუკეთესო ფრანგულ ფილმად დასახელდა. ეს იყო პირველი შემთხვევა, როდესაც პრიზი გადაეცა ფილმს, რომლის რეჟისორიც ფრანგი არაა. აღსანიშნავია, რომ ვერჰოვენის ფილმმა ერთ-ერთი ყველაზე პრესტიჟული დაჯილდოების, სეზარის 11 ნომინაცია დაიმსახურა, მთავარი როლის შემსრულებელი იზაბელ იუპერი კი ქალის როლის საუკეთესო შესრულებისთვის მე-16 ნომინაციაზე წარადგინეს. იზაბელ იუპერი ამავე კატეგორიაში ოსკარზეც არის წარდგენილი.

ფრანგულმა კინოკრიტიკამ წლის საუკეთესო უცხოენოვან ფილმად კლებერ მენდოსა ფილიუს მერწყული დაასახელა. სონია ბრაგა, რომელიც მთავარ როლს ასრულებს, კანის კინოფესტივალზე საუკეთესო მსახიობი ქალის ჯილდოს უპირობო ლიდერად მიიჩნეოდა, თუმცა პრიზი ვერ მიიღო.

ფრანგ კინოკრიტიკოსთა საზოგადოებაში 250 კინომცოდნე და ჟურნალისტია გაერთიანებული. გაერთიანებას კინომცოდნე იზაბელ დანიელი ხელმძღვანელობს.