თბილისის მერიის განცხადებით, სანამ საზოგადოებრივი ტრანსპორტის მოძრაობა არ აღდგება, ავტომობილებს შეეძლებათ, ე.წ. ბასლაინებში იმოძრავონ.

"დედაქალაქის მერიამ გასული წლის 31 დეკემბრის ჩათვლით, ავტობუსისთვის განკუთვნილ ხაზებში კერძო სატრანსპორტო საშუალებების მოძრაობა დაუშვა, რაზეც სამართალდარღვევის ოქმი არ იწერებოდა. აღნიშნული გადაწყვეტილება, რომელიც გარკვეულწილად, ტრანსპორტის ნაკადებს თავისუფლად გადაადგილების საშუალებას აძლევს, კვლავ ძალაში რჩება და კერძო სატრანსპორტო საშუალებების მძღოლები მუნიციპალური ტრანსპორტის ფუნქციონირების განახლებამდე, ე.წ. ბასლეინებში მოძრაობის შემთხვევაში, არ დაჯარიმდებიან", — ნათქვამია მერიიის განცხადებაში.

საკოორდინაციო საბჭოს გადაწყვეტილებით, ქვეყანაში შეზღუდულია საზოგადოებრივი ტრანსპორტის გადაადგილება. აკრძალულია როგორც საქალაქო, ისე ქალაქთაშორისი მიმოსვლა საზოგადოებრივი ტრანსპორტის გამოყენებით.