ლონდონის მერმა ქალაქში საგანგებო მდგომარეობა გამოაცხადა. სადიქ ხანი აღნიშნავს, რომ ქალქაში კორონავირუსის შემთხვევები გაზრდილია და ყოველი ოცდამეათე მოქალაქე ინფიცირებულია.

მერის თქმით, ამ დროისთვის სიტუაცია კრიტიკულია, რადგან ვერ ხერხდება ვირუსის გავრცელების კონტროლი.

"თუ დაუყოვნებლივ არ მივიღებთ ზომებს, ჯანდაცვის ეროვნული სისტემა გადაიტვირთება და უფრო მეტი ადამიანი დაიღუპება", — განაცხადა მან.

დეკემბერში, დიდ ბრიტანეთში COVID-19 ახალი, უფრო გადამდები შტამის გაჩენამ ვირუსის გადაცემის სიჩქარის მნიშვნელოვანი ზრდა გამოიწვია.

Time-ის ინფორმაციით, დიდ ბრიტანეთს ყოველდღიურად ინფიცირების 50 000 ახალი შემთხვევა აქვს. ჰოპკინსის უნივერსიტეტის მონაცემებით, ქვეყანაში დღემდე კორონავირუსის 2 966 203 შემთხვევაა დადასტურებული, გარდაცვლილია 79 959 ადამიანი.