დისნეის დაკვირვებულმა მაყურებელმა შენიშნა, რომ 2010 წელს გამოსულ ანიმაციას Tangled 2020 წლის პანდემიასთან ბევრი საერთო ჰქონდა.

ამბის თხრობას იმის გამჟღავნებით ვიწყებთ, რომ მულტფილმში სამეფოს, სადაც რაპუნცელს წასვლა ეკრძალება, სახელად კორონა ჰქვია.

"ანუ გინდათ მითხრათ, რომ რაპუნცელი მთელი ცხოვრება კარანტინში იყო, რადგან დედამისი კორონასგან იცავდა?"

ანიმაციაში ჩვენთვის ნაცნობ რეალობასთან ბევრი საერთოა. რაპუნცელი 18 წელი ჩაკეტილია ოთახში და საზოგადოებისგან დისტანცია უწევს.

ფოტო: Disney

სიმღერაში Mother Knows Best 56-ე წამზე დედა გოთელი მას აფრთხილებს, რომ გარეთ გასვლის შემთხვევაში, სხვა უბედურებებთან ერთად, პანდემიაც ემუქრება:

ხოლო სიმღერის, When Will My Life Begin?-ის მიხედვით, რომლითაც ანიმაციური ფილმი იწყება, რაპუნცელს იმ ყველაფრის კეთება უწევს, რაც ჩვენ კარანტინში გვიწევდა. რაპუნცელი მღერის, რომ მუდამ სახლშია, ჯერ დალაგება უწევს, შემდეგ საჭმლის მომზადება, შემდეგ კითხვა და ხატვა... ის ოცნებობს გარეთ გასვლაზე და აინტერესებს, როდის შეძლებს ბედნიერად ცხოვრებას.

ამჯერად მხოლოდ იმის იმედად ვიყოთ, რომ ჩვენი რეალობა 18 წელს არ გასტანს, რადგან უკვე არსებობს ვაქცინა, რომლის დამზადებაში ვინ იცის, რაპუნცელის დალალებმაც შეიტანეს წვლილი!

ფოტო: Disney