სადაზღვეო კომპანია ალდაგი On.ge-სთან საუბარში ამბობს, რომ სავაჭრო ცენტრ ბავშვთა სამყაროს მხოლოდ შენობა იყო დაზღვეული. მისივე თქმით, ამ დროისათვის მიმდინარეობს ექსპერტიზა, ხოლო, საერთო ზარალის დათვლას დრო დასჭირდება:

"ჩვენთან დაზღვეულია მხოლოდ შენობა, მოვაჭრეების მარაგი და საქონელი - არა. ზარალის აღრიცხვა მალე ვერ მოხერხდება, ფიზიკურად შენობაში ყველგან ვერ შევდივართ. ჯერ ექსპერტიზა მიმდინარეობს, იმისათვის რომ ზიანის სრული ოდენობა დაითვალონ. ჩვენი სამსახურის შესაბამისი ტენიკური ჯგუფები შემთხვევის დაფიქსირებისთანავე ადგილზე მუშაობენ".

გვიან ღამით, სავაჭრო ცენტრ ბავშვთა სამყაროში ხანძარი გაჩნდა. მთლიანად დამწვარია შენობა და მის უკან მდებარე ტანსაცმლის ბაზრობა, ასევე, საბითუმო სავაჭრო ცენტრი. თბილისის მერის დავით ნარმანიას თქმით, ხანძარზე პასუხისმგებლობა ბაზრის ადმინისტრაციას ეკისრება