ქართული ოცნების დეპუტატის, კახი კახიშვილის განცხადებით, გამომდინარე იქიდან, დახურულია კაფეები, მაღაზიები, რესტორნები და სხვა, ქვეყანაში ფორსმაჟორული სიტუაციაა შექმნილი. მისი თქმით, ეს ფორსმაჟორი ბანკებსაც უნდა შეეხოს და მათაც უნდა იფიქრონ ისეთ შეღავათებზე, რომელიც ქვეყნის ეკონომიკას დაეხამრება.

"პანდემიის გამო ერთი წელი ბიზნესი გაჩერებულია და დიდი ნაწილი ბიზნესმენებისა უკვე გაკოტრების პირასაა მისული. ერთი მხრივ, აღებული აქვთ კრედიტები, მეორე მხრივ, ამ კრედიტებს ვერ ფარავენ, იმიტომ, რომ შემოსავლები არ არსებობს. ამავდროულად, რაღაც ბუნდოვან პასუხები ესმით ბანკებისგან და დიდად ვერაფერს ვერ ეხმარებიან ბანკები. პირიქით, შეიძლება ითქვას, რომ საკუთარ თავზე უფრო ფიქრობენ. მე ვფიქრობ, რომ ამ შემთხვევაში საჭიროა რაღაც სახელმწიფოებრივი მიდგომა, მიუხედავად იმისა, რომ მთავრობა ყველაფერს აკეთებს, იმისთვის, რომ რამენაირად დაეხმაროს, მაგრამ მე ვფიქრობ, რომ, როდესაც ასეთი ფორსმაჟორია, თვითონ ბანკებიც უნდა გადავიდნენ ფორსმაჟორის რეჟიმში", — განაცხადა მან.

კახიშვილის თქმით, ჯობია ბანკებმა დღეს "ცოტა ნაკლები მოგება მიიღონ" და გადაარჩინონ ქვეყანა, ვიდრე დღეს მთლიანად მოგებაზე იყვნენ ორიენტირებულები და "ქვეყანა ისე გააკოტრონ", რომ წლების განმავლობაში ვერ აღდგეს.