რუსული საინფორმაციო სააგენტო რია ნოვოსტის ინფორმაციით, სამხრეთ ოსეთში, ახალგორის რაიონში, სამხედრო ავტობუსის გზიდან გადავარდნის შედეგად 6 რუსი ოფიცერი დაიღუპა, 16 კი დაშავდა. რუსეთის სამხედრო უწყების ცნობით, ავარიის მიზეზი მუხრუჭების გაუმართაობა გახდა.

ამ დროისთვის დაშავებულები ცხინვალის საავადმყოფოში გადაიყვანეს. რუსეთის თავდაცვის მინისტრის, სერგეი შოიგუს თქმით, რუსეთიდან სამხედრო ექიმების ჯგუფი შემთხვევის ადგილას უკვე გაფრინდა იმისთვის, რომ დაშავებულები მოსკოვში გადაიყვანონ. სამხედროები ოკუპირებულ სამხრეთ ოსეთში დისლოცირებულ სამხედრო ბაზაზე მსახურობდნენ.