ქართული ოცნების დეპუტატის, ნიკოლოზ სამხარაძის თქმით, პარტიის აღმასრულებელ მდივან ირაკლი კობახიძეს, რომელსაც საზოგადოებაში მკაცრი იმიჯი აქვს, სინამდვილეში არის იუმორით აღსავსე პიროვნებაა. ამიტომ, მის გუშინდელ განცხადებებს, სადაც მან ოპონენტები გააქილიკა, ამ იუმორის კიდევ ერთ დადასტურებად მიიჩნევს.

"ირაკლიო კობახიძეს, რომელსაც საზოგადოებაში აქვს ძალიან მკაცრი ადამიანის იმიჯი, სინამდვილეში არის იუმორით აღსავსე პიროვნება. ამიტომ მისი გუშინდელი გამოსვლა კიდევ ერთი დადასტურება იყო ამის. რაც შეეხება, შეუშლის თუ არა იუმორი მოლაპარაკებებს ხელს, არ შეუშლის, რადგან იუმორს არასდროს შეუშლია მოლაპარაკებებისთვის ხელი", — განაცხადა სამხარაძემ.

ის ამბობს, რომ არ აქვს მნიშვნელობა პარლამენტის ტრიბუნიდან გაჟღერდება ხუმრობა თუ სხვა სივრციდან, იუმორი ყველამ უნდა მიიღოს. სამხარაძის თქმით, თუ ადრესატებს ეწყინათ და იუმორის გრძნობა არ აქვთ, ეს მათი პრობლემაა.

კობახიძემ გუშინ, 24 დეკემბერს გამართულ პარლამენტის რიგგარეშე სესიის პლენარულ სხდომაზე, სადაც მინისტრთა კაბინეტი დაამტკიცეს, ოპოზიციაზე ცინიკურად ისაუბრა.

— ძალიან დაგვაკლდა რუსეთის საერთაშორისო უსაფრთხოების სპეციალისტი, ელენე ხოშტარიას მიერ სხდომათა დარბაზში აჟღერებული რუსეთის ჰიმნი;

— პარლამენტში ძალიან დაგვაკლდა რუსულად ნამღერი თბილისო;

— ძალიან დაგვაკლდა გიორგი ვაშაძე-აღმაშენებლის მიერ პლენარულ სხდომათა დარბაზში ჩატარებული სწრაფი კოვიდ-ტესტი.

გაიგეთ მეტი: