მაია ცქიტიშვილის განცხადებით, 24 დეკემბრის, კათოლიკური შობის ღამეს კათოლიკე მორწმუნეებს შეუძლიათ 144-ზე დარეკვით მიიღონ საშვი და შობის წირვას დაესწრონ.

"ჩვენ კათოლიკური შობის ფარგლებში 144-ზე დარეკვის საშუალებით და პირველ რიგში კონფენსიებს ვთხოვთ, მიაწოდონ თავისივე მრევლის სია, რომ უზრუნველყონ საშვი, რათა თავის რელიგიურ მსახურებაში მიიღონ მონაწილეობა",— განაცხადა მაია ცქიტიშვილმა.

ცქიტიშვილის თქმით, იგივე პრაქტიკა გამოიყენეს აღდგომის დღესასწაულზე, რამდენადაც კათოლიკური და გრიგორიანული კალენდრის მიხედვითაც აღდგომა არ ემთხვევა მართლმადიდებლურ აღდგომას და ახლაც არ შეექმნებათ სხვა აღმსარებლობის მრევლს პრობლემა.

ცქიტიშვილმა, ასევე, განაცხადა, რომ საქართველოში ყველანი აღვნიშნავთ მართლმადიდებლურ შობას და კათოლიკურ შობაზე დასვენების დღე არ გვაქვს.

"მასიურად, მთელი საქართველოს არ აღნიშნავს კათოლიკურ შობას და ამიტომ, არ გვაქვს კათოლიკურ შობაზე დასვენების დღეები", — განაცხადა ცქიტიშვილმა.

ბოლოს კი ცქიტიშვილმა აღნიშნა, რომ ყველა აღმსარებლობის ადამიანს შეეძლება საკუთარ დღესასწაულზე დასწრება.

ამავე თემაზე: