სოციალურად დაუცველის სტატუსის მქონე უსახლკარო მაკა მამრიკიშვილმა დღეს 2 ლარიან ლატარიაში მოგებული 115 189 მიიღო. 31 წლის სამი შვილის დედა, რომელიც ლილო-ლოჭინის ბაგა-ბაღის ტერიტორიაზე ორ ოთახში იყო შესახლებული, ამ ფულით საოცნებო ბინის შეძენას აპირებს. საცხოვრებელი ადგილის უქონლობის გამო, მაკას ორი უფროსი შვილი კახეთში, მის ნათესავებს ჰყავდა მიბარებული, ახლა კი ის თავის სამივე შვილთან ერთად დაიწყებს ახალ ცხოვრებას ახალ ბინაში.

ფოტო: Lotto.ge

მაკა მამრიკიშვილის ცხოვრება რადიკალურად შეიცვალა მას შემდეგ, რაც მან ლატარიის თამაში დაიწყო: "ბილეთს არც ისე ხშირად ვყიდულობდი. მოგების დღესაც, დილით პროდუქტებზე რომ გავედი, ლილოს დასახლებაში პატარა ჯიხურში შევიძინე "ოქროს ბურთის" ორი ბილეთი. საღამოს გათამაშებას მთელი ოჯახი ერთად ვუყურებდით. როდესაც ჩემი რიცხვები გამოაცხადეს, ბილეთი რამდენჯერმე გადავამოწმე, თვალებს არ ვუჯერებდი. ოჯახის წევრებს ვეკითხებოდი, ნუთუ ის ერთი გამარჯვებული მე ვარ-მეთქი?! ნუთუ მართლა მე მოვიგე ამხელა თანხა?! ახლა ვხვდები, როგორ გამიმართლა", — თქვა მაკამ თანხის გადაცემის დროს.

ფოტო: Lotto.

2 ლარად ნაყიდმა "5/35" ოქროს ბურთის" ბილეთმა მაკა მამრიკიშვილს 115 189 ლარი მოაგებინა. "5/35-ოქროს ბურთის" გათამაშება ყოველდღე 19:45 საათზე იმედის ეთერში იმართება. ბილეთის შეძენა შესაძლებელია როგორც ონლაინ — www.lotto.ge-ზე, ასევე კომპანიის სერვის ცენტრებსა და საქართველოს ფოსტის ჯიხურებში.

"გახსოვდეთ, იგებს ის ვინც თამაშობს, მოგება კი შეუძლია ყველას", — ამბობენ კომპანიაში.