ქართული ოცნების წევრი ზაზა გაბუნია მიიჩნევს, რომ პრეზიდენტის ვეტო უადგილო იყო და მან ის პოლიტიკურ პროცესებში აქტიური ჩართვისთვის გამოიყენა. მისივე განცხადებით, პარლამენტი კვლავ განიხილავს საკითხს:

"ცოტა არ იყოს გასაკვირია და თან უადგილოც ის ვეტო, რომელიც მან გამოიყენა, თუმცა ჩვენ ამ საკითხს ოლიმპიური სიმშვიდით შევხვდით. როგორც ჩანს ეს არის მცდელობა, ვეტოს გზით, ანუ პრეზიდენტის ადმინისტრაციის მხრიდან ნაცადი გზით, პოლიტიკურ პროცესებში აქტიური მონაწილეობის მიღებისა. ამაში არაფერია ცუდი და გასაკვირი, თუმცა მეორეს მხრივ, თავად შინაარსში ისეთი არაფერია, რომელიც საჭიროებდა ვეტოს დადებას".

საქართველოს პრეზიდენტს, გიორგი მარგველაშვილს მიაჩნია, რომ სასამართლოების შესახებ კანონში შესატანი ცვლილებები, რომელიც პარლამენტმა მას გადაუგზავნა ეწინააღმდეგება მიუკერძოებელი სასამართლოს პრინციპებს. პრეზიდენტმა სასამართლო რეფორმების შესახებ კანონპროექტი პარლამენტს შენიშვნებით დღეს, 25 იანვარს დაუბრუნა.