საქართველოს ეროვნული ბანკის მონეტარული პოლიტიკის კომიტეტმა 2017 წლის 25 იანვარს რეფინანსირების განაკვეთი 25 საბაზისო პუნქტით გაზრდა. შესაბამისად, მონეტარული პოლიტიკის განაკვეთი 6.75 პროცენტით განისაზღვრა. რეფინანსირების განაკვეთის ზრდა მასზე მიბმული სესხების საპროცენტო განაკვეთის ზრდას იწვევს.

„გადაწყვეტილება ეყრდნობა მაკროეკონომიკურ პროგნოზს, რომლის მიხედვითაც მოსალოდნელია, რომ მოთხოვნის მხრიდან ინფლაციაზე მოქმედი სუსტი ზეწოლის მიუხედავად, 2017 წელს ინფლაცია ძირითადად მიზნობრივ მაჩვენებელზე ზემოთ იქნება,”- აღნიშნულია ეროვნული ბანკის განცხადებაში.

როგორც უწყებაში განმარტავენ, ერთჯერადი ეფექტების ამოწურვის შედეგად ინფლაცია შემცირდება და საშუალოვადიან პერიოდში მიზნობრივი მაჩვენებლის ფარგლებში მოექცევა.

მონეტარული პოლიტიკის კომიტეტის შემდეგი სხდომა 2017 წლის 7 მარტს გაიმართება.