დაავადებათა კონტროლის ეროვნული ცენტრის ხელმძღვანელის, ამირან გამყრელიძის თქმით, ბოლო ერთი წლის განმავლობაში ინფქეციურ დაავადებათა შორის კორონავირუსით სიკვდილიანობის რიცხვმა ყველა სხვა ინფექციური დაავადებით სიკვდილიანობის რიცხვს გადააჭარბა.

"გლობალურად, ერთი წლის განმავლობაში, კორონავირუსით სიკვილიანობამ გადააჭარბა ყველა ინფექციური დაავადებით მთავარ მკვლელებს — ტუბერკულოზი, ჰეპატიტი, შიდის, მალარია". — განაცხადა ამირან გამყრელიძემ.

14 დეკემბრის მონაცემებით, საქართველოში კორონავირუსის 1 337 ახალი შემთხვევა გამოვლინდა და გარდაიცვალა კიდევ 49 ადამიანი. ამასთან, გამოჯანმრთელდა — 3 498 პაციენტი.

ვირუსის დაფიქსირებიდან დღემდე გამოვლენილია 196 063 შემთხვევა; გამოჯანმრთელებულია — 161 681; გარდაცვლილია — 1 839 ადამიანი.