შინაგან საქმეთა სამინისტროს ინფორმაციით, ურთიერთშელაპარაკებისას, გ.ა.-მ ადამიანს დანით მრავლობითი ჭრილობა მიაყენა და შემთხვევის ადგილიდან მიიმალა.

უწყების ინფორმაციით, დაჭრილი გადაყვანილია კლინიკაში, სადაც შესაბამისი მკურნალობა უტარდება.

სამართალდამცველებმა გ.ა. მომხდარიდან მალევე, თბილისში დააკავეს. გამოძიება საქართველოს სისხლის სამართლის კოდექსის 19-108-ე მუხლით მიმდინარეობს, რაც განზრახ მკვლელობის მცდელობას გულისხმობს. 1998 წელს დაბადებული გ.ა-ს დანაშაული 7-დან 15 წლამდე ვადით თავისუფლების აღკვეთას ითვალისწინებს.