თბილისის საბავშვო ბაგა-ბაღების მართვის სააგენტომ 153-ე საბავშვო ბაგა-ბაღის აღმზრდელის მიერ აღსაზრდელზე შესაძლო ძალადობის ფაქტის შესწავლის პარალელურად, ბაღის თანამშრომელს და მის თანაშემწეს უფლებამოსილება შეუჩერა:

"საკითხის შესწავლამდე, სააგენტოს ადმინისტრაციის მხრიდან მიღებული იქნა გადაწყვეტილება, რომ სამსახურებრივი უფლებამოსილება შეუჩერდეთ აღმზრდელ თამარ მახარაშვილს, რომელსაც მშობელი ძალადობაში ადანაშაულებს, ასევე აღმზრდელის თანაშემწეს, მანანა ბოსტოღანაშვილს".

დეტალებს ბაგა-ბაღების მართვის სააგენტოს მონიტორინგის სამსახური ადგილზე არკვევს. როგორც მათ On.ge-ს განუცხადეს, აღმზრდელი, ბაღის ადმინისტრაცია და მშობელი გასაუბრებისთვის დაბარებულები არიან. სააგენტოში ასევე გვითხრეს, რომ აღმზრდელმა ბრალდების შესახებ სააგენტოსგან შეიტყო, რადგან დედას სამშაბათს ბავშვის გაყვანის შემდეგ ბაღისთვის აღარ მიუმართავს

თბილისის ბაგა-ბაღების სააგენტო აცხადებს, რომ ძალადობის ამ და სხვა ნებისმიერი ფაქტის დადასტურების შემთხვევაში, გაატარებს უმკაცრეს დისციპლინურ ღონისძიებებს.