გირჩის ლიდერის, ზურაბ ჯაფარიძის თქმით, მას მოლოდინი ჰქონდა, რომ ამჟამად გაყოფილი პარტია, რომლის ფორმალური თავმჯდომარეც ახლა იაგო ხვიჩიაა, სხვების მსგავსად პარტიულ სიას ჩახსნიდნენ. მისი თქმით, გირჩის განცხადება, რომ მანდატებზე უარს მოლაპარაკებების წარუმატებლად დასრულების შემდეგ იტყვიან, მოქალაქეებისა და რესპუბლიკური პარტიების პოზიციას ჰგავს.

"თუმცა განცხადება, რაც ვნახე დაახლოებით იგივეა, რაც რამდენიმე პარტიამ გააკეთა — ელოდებიან მაინც მოლაპარაკებების პროცესს და თუ ამ პროცესზე გაირკვა, რომ პარლამენტში არ შედის ოპოზიცია, იგივე პროცედურებს გაივლიან. რთულად წარმომიდგენია [რაიმე შედეგი], თუმცა პატარა შანსს ვიტოვებ. ერთია, როცა კობახიძე გამოდის და რაღაც განცხადებებს აკეთებ და მეორე, მოლაპარაკებების მაგიდაზე რა შეიძლება გადაწყდეს. თუ დღევანდელმა სურათმა რაიმე შეაგნებინა ქართულ ოცნებას — მოლაპარაკებების მაგიდაზე ისეთ პაკეტზე უნდა განაცხადონ თანხმობა, რომელიც არსებითად ითვალისწინებს ძალაუფლების დათმობას, იმიტომ, რომ მათ არჩევნების შედეგად უნდა დაეთმოთ ძალაუფლება", — თქვა ჯაფარიძემ ფორმულას ეთერში.

დღეს, 11 დეკემბერს პარლამენტში მე-10 მოწვევის სხდომა მიმდინარეობდა, რომელშიც მხოლოდ ქართული ოცნება მონაწილეობდა. სხდომაზე ასევე მიწვეულები იყვნენ პრეზიდენტი, პატრიარქი და დიპლომატები. პატრიარქის ნაცვლად, სხდომას მისი მოსაყდრე, შიო მუჯირი ესწრება.

სხდომის პარალელურად, მოსწავლე ახალგაზრდობის სასახლის ეზოში შეკრებილმა ოპოზიციის ნაწილმა მანდატებზე უარი თქვა და ხელი მოაწერა საერთო მემორანდუმს ბოიკოტის შესახებ. ამასთან, ოპოზიციამ ხელმოწერილი განცხადებები, სიის განულების მოთზხოვნით, ცესკო-ში უკვე ჩააბარა.