ევროპული საქართველოს ერთ-ერთმა ლიდერმა, დავით ბაქრაძემ ჟურნალისტებს სექსისტური შინაარსის ფრაზით მიმართა. ინტერვიუს ჩაწერის წინ, როცა რამდენიმე ჟურნალისტი კითხვას ერთდროულად სვამდა, ბაქრაძემ განაცხადა, რომ ბედნიერია "აღელვებული ახალგაზრდა გოგოების გარემოცვაში", მაგრამ ისინი უნდა დამშვიდებულიყვნენ.

"დამშვიდდით, გეხვეწებით. ვარ სრულიად ბედნიერი, რომ ამდენი აღელვებული ახალგაზრდა გოგოს გარემოცვაში ვარ, მაგრამ დამშვიდდით გეხვეწებით, ყველას გიპასუხებთ", — თქვა მან ჟურნალისტებთან სიცილით.

ჟურნალისტები ბაქრაძეს ამ დროს ფასილიტატორებთან და მმართველ გუნდთან შეხვედრის შესახებ ეკითხებოდნენ და მისი, როგორც პოლიტიკოსის კომენტარით იყვნენ დაინტერესებულნი.