ინფექციური პათოლოგიებისა და შიდსის ცენტრის დირექტორის, თენგიზ ცერცვაძის განცხადებით, თვით აშშ-ს ალერგიისა და ინფექციურ დაავადებათა ეროვნული ინსტიტუტის ხელმძღვანელთან, ენტონი ფაუჩისთან აქვთ კონტაქტი, რომელიც მათ საქმიანობას დადებითად აფასებს. ამის შესახებ თენგიზ ცერცვაძემ ფორმულას ეთერში ისაუბრა.

"აღარ არის საბჭოთა პერიოდი. უკვე კარგად ვართ ინტეგრირებული მსოფლიო მედიცინაში და ძალიან სერიოზული და ძალიან მაღალი რანგის, არა ამათი რანგის [ამერიკაში მომუშავე ქართველი ექიმები], ესენიც კარგი ექიმები არიან, მაგრამ რიგითები არიან და ჩვენ კონტაქტები და პარტნიორობა გვაქვს პირველ პირებთან. ასე განსაჯეთ, თვით ენტონი ფაუჩისთან გვაქვს კონტაქტი, რომელიც მუდმივად იწონებს ჩვენს ტაქტიკას, კლინიკური მართვის პრინციპებს", — განაცხადა თენგიზ ცერცვაძემ.

ცერცვაძემ აღნიშნა, რომ ერთი მხრივ არის ასეთი დაფასება იმ ქვეყნის ლიდერების მხრიდან და არის არასაგნობრივი კრიტიკა ზოგიერთი იქ მოღვაწე ექიმების მხრიდან.