აჭარის ავტონომიური რესპუბლიკის მთავრობის თავმჯდომარე ისევ თორნიკე რიჟვაძე იქნება. დღეს, 3 დეკემბერს გამართულ ბრიფინგზე მან განაცხადა, რომ უარს ამბობს აჭარის უმაღლესი საბჭოს წევრის მანდატზე და კვლავ აღმასრულებელ ხელისუფლებაში გააგრძელებს მუშაობას. შეგახსენებთ, რომ იგი ქართული ოცნების სიის პირველი ნომერი იყო აჭარის უმაღლესი საბჭოს არჩევნებში.

უმაღლესი საბჭოს წევრობის მანდატებზე უარი თქვეს ჯაბა ფუტკარაძემ და თინათინ ზოიძემაც. ჯაბა ფუტკარაძე ისევ აჭარის ფინანსთა და ეკონომიკის მინისტრი იქნება, ხოლო, თინათინ ზოიძე, რომელიც აქამდე ფუტკარაძის მოადგილის პოსტს იკავებდა, აჭარის მთავრობის ადმინისტრაციის ხელმძღვანელი იქნება.