საპარლამენტო უმრავლესობის ერთ-ერთი ლიდერი მანანა კობახიძე რუსთავი 2-თან საუბარში ადასტურებს, რომ საკონსტიტუციო სასამართლოს მოსამართლის ვაკანტურ თანამდებობაზე მისი კანდიდატურა განიხილება. მისივე განცხადებით, აღნიშნულის თაობაზე ქართულ ოცნებაში კონსულტაციები უკვე დასრულებულია:

"გიდასტურებთ, რომ ასეა, მაგრამ სჯობს დაუკავშირდეთ ფრაქციის ხელმძღვანელს მამუკა მდინარაძეს და ის გეტყვით იმიტომ, რომ ის არის უფლებამოსილი ამ თემაზე".

საკონსტიტუციო სასამართლოში მოსამართლის ერთი თანამდებობა სექტემბრიდან ვაკანტურია. სავარაუდოდ, დღეს, 23 იანვარს პარლამენტის ბიუროს სხდომაზე წარადგენენ მოსამართლეობის კანდიდატებს.