ევროპული საქართველოს ერთ-ერთმა ლიდერმა, დავით ბაქრაძემ საქართველოში ამერიკის ელჩ კელი დეგნანთან შეხვედრამდე განაცხადა, ელოდება, რომ რაიმე სიახლე იქნება ქართული ოცნების მხრიდან.

"მოდით, დაველოდოთ, რა ახალი ინფორმაცია აქვთ ელჩებს და რა დატვირთვით შედგება დღევანდელი შეხვედრა. იმედი მაქვს და ველოდები, რომ შესაძლოა, იყოს რაღაც სიახლე, მათ შორის, ქართული ოცნების მხრიდან იმიტომ, რომ პოზიცია ცნობილია — ჩვენ ვეძებთ გამოსავალს ამ კრიზისიდან, რომელშიც ქვეყანა შეიყვანა გაყალბებულმა არჩევნებმა", — განაცხადა დავით ბაქრაძემ.

ბაქრაძის თქმით, ოპოზიციის მხრიდან არის მზადყოფნა,მოიძებნოს გამოსავალი, რომ ქვეყანა კრიზისიდან გამოვიდეს, ოღონდ გამოსავალი ვერ იქნება გაყალბებული არჩევნების აღიარება.