დავით ყიფიანის სახელობის საქართველოს თასის 2020 წლის სეზონის ფინალური შეხვედრა გადაიდო. მიზეზი ფინალის მონაწილე ერთ-ერთი გუნდის წევრთა უმრავლესობის კორონავირუსით ინფიცირებაა. თამაში 25 ნოემბერს გორში უნდა გამართულიყო.

"დავით ყიფიანის სახელობის საქართველოს თასის 2020 წლის სეზონის ფინალური შეხვედრა, რომელიც 25 ნოემბერს გორში უნდა გამართულიყო, ფინალის მონაწილე ერთ-ერთი გუნდის წევრთა უმრავლესობის კორონა ვირუსით ინფიცირების გამო, მატჩის განსაკუთრებული მნიშვნელობიდან გამომდინარე, გადაიდო", — აცხადებს ფედერაცია.

ფედერაციის განცხადებით, მატჩი 4 ნოემბერს 16:00 საათზე გაიმართება კვლავ გორის თენგიზ ბურჯანაძის სახელობის სტადიონზე. ფინალურ შეხვედრაში ერთმანეთს კრისტალბეთ ეროვნული ლიგა 2-ის წარმომადგენლები — წყალტუბოს სამგურალი და გაგრა დაუპირისპირდებიან.