"ჩვენი პოზიციაა, რომ სანამ იმ ხალხის იმედი გვაქვს, რომელიც ან მიხეილ სააკაშვილის, იაგო ხვიჩიას, ან ვიღაცის გამოა მიტინგზე მოსული, მანამდე ეს მიტინგი წარმატებული არ იქნება", — ამის შესახებ გირჩის ლიდერმა იაგო ხვიჩიამ პალიტრანიუსის ეთერში განაცხადა.

"ხალხს ის კი არ უნდა ველაპარაკოთ, რომ ჩვენ გამო გამოვიდეს, არამედ იმ უსამართლობის გამო, რომელიც ქვეყანაში ხდება. ამ ხალხთან ერთად გავაპროტესტოთ ეს უსამართლობა", — აღნიშნა ხვიჩიამ.

ოპოზიცია არ აღიარებს 31 ოქტომბერს ჩატარებული არჩევნების შედეგებს. სწორედ ამის გამო ისინი საპროტესტო აქციებს აწყობენ. მათი მოთხოვნა ცესკოს თავმჯდომარის, თამარ ჟვანიას გადადგომა, რიგგარეშე არჩევნების ჩატარება და პოლიტმატიმრების გათავისუფლებაა.