მაგთიკომაა ინტერნეტ სერვისის მიწოდება აღადგინა. ამის შესახებ ინფორმაცია კომპანიამ ფეისბუქგვერდით გაავრცელა.

"მაგთიკომის ინტერნეტ სერვისზე დაფიქსირდა გარკვეული შეფერხება. ბოდიშს ვუხდით აბონენტებს შექმნილი დისკომფორტისთვის. ამ ეტაპზე პრობლემა აღმოფხვრილია", — წერია მაგთიკომის პოსტში.

მაგთიკომის ინტერნეტის მომხმამრებლებს სერვისზე წვდომა, დაახლოებით, ერთი საათის განმავლობაში შეზღუდულად ჰქონდათ. On.ge მიზეზების გარკვევას ეცადა, მაგრამ პრესსამსახურში ჩვენს ზარებს არ პასუხობდნენ.